Ankhbayar
Монгол Улсад Барилгын салбар үүсч хөгжсөний 86 жилийн ой “Барилгачдын өдөр”-ийг тохиолдуулан хот төлөвлөлт, барилгын зураг төслийн салбарт ажиллаж бүтээн байгуулалтын үйл хэрэгт оюуны чадавхи, бүтээлч хөдөлмөрөө зориулж буй үе үеийн архитектор, инженерүүд, зураг төсөл зохиогчиддоо Барилгын зураг төсөл зохиогчдын холбооны Удирдах Зөвлөлийн нэрийн өмнөөс болон хувиасаа чин сэтгэлийн мэндчилгээ дэвшүүлье.
Ажил үйлс амжилт бүтээлээрээ тэргүүлэн зураг төслийн салбарын оны шилдэг байгууллагаар шалгарсан БЗТЗХолбооны гишүүн “Тоонот Констракшн”, “Тулга Проект” ХХК-иудын хамт олонд, Монгол Улсын “Тэргүүний барилгачин” хүндэт тэмдэгээр шагнуулсан “Өрнөл Проект” ХХК-ний бригадын ахлагч Н.Дарамбазар, “Гал Мөнх” ХХК-ийн мэргэшсэн төсөвчин Т.Адъяа нарт нийт гишүүдийнхээ өмнөөс баяр хүргэж цаашдын ажилд нь улам өндөр амжилтыг хүсэн ерөөе.
Монгол орны хөгжил, ард иргэдийн сайн сайхан амьдрах орчныг бүтээн байгуулах чиглэлээр төр засгаас дэвшүүлж буй зарим хөтөлбөрүүдийг бодитойгоор хэрэгжүүлэхэд барилгын зураг төсөл зохиогчдын гүйцэтгэх үүрэг оролцоо улам бүр нэмэгдэхийн хамт орчин цагийн төдийгүй он цагийн шалгуур даахуйц чанартай төлөвлөлт, техникийн шинэлэг шийдэл, дэвшилтэт техник технологиийг хот төлөвлөлт, барилгын салбарт нэвтрүүлэхэд Та бүхнээс мэргэжлийн өндөр ур чадвар, бүтээлч сэтгэлгээ, шинэ мэдээлэл менежментэд тулгуурласан үр дүнтэй нягт нямбай ажиллагааг шаардаж байна.
Барилгын зураг төсөл зохиогчдын холбооны гишүүн байгууллагууд цаг үе нийгмийн шаардлагын дагуу бүтээлчээр хамтран ажиллаж, амжилтаас амжилтанд хүрнэ гэдэгт итгэл дүүрэн байна.
Барилгын Зураг Төсөл Зохиогчдын Холбооны Ерөнхийлөгч Г.Мягмар
2012.09.07